الواقع الجديد موقع إخباري منوع مستقل
(( الواقع الجديد)) الجمعه 16 ديسمبر 2016 / المكلا
عباره عن ٣ طبقات
الطبقه الاولي
بطاطس مقطعه صوابع ونقليها في الزيت ولما تستوي نرش عليها ملح وفلفل وزعتر ونحطها في طبق
الطبقه الثانيه
لحم مفروم
بصله مقطعه مكعبات ونشوحها في معلقه زبده لحد ما تدبل ونضيف عليها اللحمه المفرومه ونشوحها ولما تقرب تستوي نضيف معلقه كبيره صلصه طماطم ومعلقه كبيره كاتشاب ومعلقه كبيره باربكيو صوص (ممكن نستغني عن الكاتشاب والباربكيو صوص ونضيف صلصه طماطم بس نخليها معلقتين كبار)
ونضيف هوت صوص لو عاوزينه مشطشط
وطبعا نضيف ملح وفلفل وزعتر
نحط اللحمه فوق البطاطس المحمره
الطبقه الثالثه
ممكن نضع جبنه موتزاريلا أو شيدر أو خليط من الاتنين وندخل الطبق تحت الشوايه شويه
أو نعمل صوص الجبنه ودا هيبقي أحسن وطريقته بسيطه
معلقتين زبده هنسخنهم في الحله ونشوح فيهم معلقتين دقيق ونضيف عليهم معلقه كبيره مسترده(اختياري) ونشوحهم
نضيف كوبايتين لبن أو كوب لبن وكوب شوربه ونقلبهم بمضرب سلك علي النار لحد ما يتقل نضيف عليهم جبنه موتزاريلا أو شيدر أو فلمنك أو خليط منهم ونقلبهم علي نار هاديه لحد ما الجبنه تسيح ونظبط الملح والفلفل
ونصب الصوص فوق اللحمه والبطاطس وندخل الطبق تحت الشويه شويه
نزينها بشطه خضراء مقطعه أو بصل أخضر.